[السيف...]

نفس سالفة سفرة بالي .. وتقريبا نفس الشله

كانت الاوضاع مواتيه انا نبي نغير جو .. وكلنا كنا تحت ضغوط .. وقررنا نسافر .. وكانت مدتها تقريبا 4 ايام بس

وكان هناك اكثر من خيار واستقر الخيار الاخير على شرم الشيخ ..

وتوكلنا على الله ..


اخليكم مع الصور ..




لحظة وصولنا الى مطار القاهره الدولي ..





اعجبني منظر الشويش .. وصورته




هذا فندقنا بشرم الشيخ .. في منطقه اسمها خليج نعمه ..
الفندق اسمه هلينين مارينا .. ويقال ان اللي بناه رأفت الهجان لما كان في اسرائيل . لان شرم الشيخ وسينا ايامها كانت محتله من اسرائيل ..

الخليج ميزته انه ممنوع دخول السيارات فيه خصوصا بعد الاعمال الارهابيه هناك .. يعني جو الفنادق والاماكن كان نوعاً ما نقي ونظيف



وما لقينا الا سويت .. بالموت لانه كان عندهم موسم سياح بولنديين وروسيين .. وهذا منظر من السويت ..

















الفندق بشكل عام اعطيه تقييم 80% لانه شوي قديم .. لكن نظيف ومريح يمكن عشان موقعه جاي باخر الفنادق ..

الخدمه كانت ممتازه .. او نقدر نقول على حسب بخشيشك تصير الخدمه ..







هذا الممشى .. او يسمونه شانزيليزيه الشرم .. صراحه هنا تحس نفسك بعالم ثاني ...

تشوف المطاعم والمقاهي والعالم اللي رايحه وجايه .. والجو كان جداً بديع لان سفرتنا كانت باواخر الصيف



هذا مطعم دخلناه عشان نتعشى لانا ميتين جوووع .. واسمه مطعم فيروز ..




جوله في الاسواق











منظر من الغرفه .. يوم اصبحنا ..




وهذا منظر عام .. من البلكونه





طبعا البحر الاحمر معروف بشعبه المرجانيه .. وصفاء مياهه .. ولذلك اخذنا القارب الزجاجي برحله استكشافيه









سبحان الخالق ما ابدع خلقه







شوفوا هذي الشعب .. كأنها مخ انسان .. سبحان الله












بعدين حلفت عليهم الا نطلع للبر .. ونشوف سيناء .. ولقينا فيه مكاتب سياحيه تسوي رحلات بريه .. اسمها " عشاء بدوي"

ياخذونك بأي طريقه تبيها .. سياره ولا دبابات ولا بعارين .. وطبعا فضلنا البعارين وليتنا ما فضلنا ..

لانا كل واحد نزل من البعير وهو ماهو عارف يمشي .. وعرفنا كيف الاولين كانوا يعانون المساكين .. وان الله انعم علينا بنعمة السيارات ..

ممشى البعارين تقريبا نص ساعه .. والصغار هذولا هم من بدو سيناء .. ويشتغلون هالشغله .. بالتنسيق مع المكاتب السياحيه ..




وانطلقت القافله .. وهذي بيوت سوتها لهم الحكومه عشان يسكنون فيها ... وما رضوا يسكنونها .. وفضلوا بيوت الشعر عليها ..



وهنا محطه الوصول .. مكان مجهزينه عشان السياح ..







هنا تشوفون الاجانب وتموتون ضحك .. يسوون حركات بلاهه .. بس الصور اللي صورتها كانت اغلبها فيها حريم ولذلك شطبتها من الموضو .. (الله يجزاك خير يا مزاجيه)



وعندهم شاهي مخدر على النار ؟؟؟؟؟؟؟ وربي عجب ..




وهنا اطفال يبيعون مشغولات يدويه من سلاسل وخواتم وغيره وغيره وغيره ..





ياشين السرج على البقر ..







بعدين سووا عروض شعبيه .. وهذا واحد منها ويسمونه التنوره .. والله يعين اللي يدور .. وربي رحمته











واحلى بوفيه مفتوح .. بصحراء سيناء .. ابو غتره بيضا اسمه الشيخ صالح .. هو صاحب المكان .. ولما عرف انا سعوديين حلف ما ندفع جنيه واحد ..




يتبع

[السيف...]

هذي رحله بحريه .. ياخذونك من الصباح ويرجعونك العصر .. مع الغدا

هذي سفينة يقولون انها اسرائيليه يقولون انها ايام الحرب غرقت هنا .. والله اعلم

منظر عام من البلكونه

هذا مكان اسمه ألف ليلة وليله .. فيها اسواق شعبيه .. وجلسات رايقه .. وعروض شعبيه ..

اعجبتني هالنافوره وصورتها

شانزيليزيه الشرم .. بالنهار ..

يتبع

[السيف...]

طلعنا الرحله هذي لزيارة راس محمد .. اللي محاطه بالدائره الحمراء

مرينا بالطريق ببقايا معسكرات الاسرائيليين .. والخنادق اللي استخدموها

وهذي التذكره لدخول المحميه

طبعا اللوحات والارشادات والتجهيزات السياحيه تحكي قصة عزة شعب .. لانها كلها كانت اسرائيليه اصلا .. ولكن بعد ما استرد الجيش المصري سيناء .. حولوا كل شي بالعربي وحطوا بصماتهم عليه

<<<< كني مدرس تاريخ

السيف مترزز

في راس محمد تكثر الحكاوي والشائعات .. والاساطير .. هذا يقولون هيكل عظمي لعروس البحر ..

شوفوا الضب شلون منوّر المتحف ..

وهذا دولفين يقولون ان امه ماتت .. وجاهم على الشاطئ زعلان ومات هناك ..

وهذي بعض المحنطات ..

هذا ان صحّت الروايات يقولون اقدم ميناء بين مصر والسعوديه .. ويسمونه "ميناء الإبل" ويُقال ان عمره اكثر من 1000 سنه .. والله اعلم

هذا يسمونه "شق الزلزال" يقولون انه صار زلزال في زمن من الازمان .. وبقيت له آثار في راس محمد..

فعلا سبحان الله

المناظر هنا .. فعلا خلابه وتخليك تقول سبحان الله

في راس محمد .. تشوف منظر ما راح تنساه .. الا وهو .. إلتقاء البحرين في الراس ... والله العظيم تشوف الموج يجي من الجهه اليمنى واليسرى وتشوفه يضرب في بعض ولا يختط الماء .. كأنهم يضربون بجدار ويرجعون .. ولون هذا يختلف عن هذا

طبعا شفناه بالمنظار المكبر من فوق الجبل .. وما قدرت اصوره بالدقه اللي كنت اشوفه فيها

فسبحان الله أعظم الخالقين ..

نظرات عامه في شرم الشيخ:

- شرم الشيخ مكان ممتاز للتمتع بالاجواء وصفاء البحر الاحمر ولكن لابد من اختيار الوقت المناسب لعدم مصادفة السياح الاجانب .. لان المناظر الله يدفع البلى .. الشر برا وبعيد

- البوليس السياحي هناك شاد حيله .. يعني مافيه نصب واتحدى احد يتجرأ

- المنطقه آمنه وخصوصا بعد التفجيرات ... والطريف في الموضوع انا يوم رجعنا من العشاء البدوي تقريبا الساعه 11 بالليل بوسط الصحراء .. كان هناك تفتيش من قوات الامن

- شرم الشيخ (البلد) يطغى عليها الحضاره والترتيب اكثر من المدن الباقيه في مصر ..

وسلامتكم

اتمنى انكم استمتعتم بالصور واعتذر عن قلة الصور لان اغلبها مترززين حنا وخششنا فيها .. واذا شطبتها خربتها

محدثكم : سيف السيلاوي من برنامج سياحتنا وسياحتكم .. ويا دار ما دخلك شر

[بشاير...]

برضو ماشلتنا معاك <<برآآآ


ياسلام ياسيف وش هالرحلات الخطيـــــــــرهـ

والله فلهـ

الله يعطيك العافيه

بانتظار رحلاتك الباقيه

[السيف...]

ماشاء الله عليك يا بشاير

اول وحده دايماً


وليش اشيلكم .. عشان اتوهق


خلك كذا احسن يا زهرة السوسن <<<< قصيده




حياك الله ونورتي الموضوع

[وتيـــن...]

سيف وش ذا كم صووورة
رحت وجيت مليون مره و ما بعد خلصن تحميل

هذي تستاهل الوقت اللي انتظرتها تتحمل فيه

روووعه

>>> الأخ يدور واسطه عند الدعم الفني >>> تقولهآ من الحره ميلآد

>>> حلوه السفره و حلوه شرم الشيخ >>> بس النمسا أحلى و و بالي أحسن بعد أنتم ورزكم و دجاجكم شي>>> و اللي سكآنها وون :d مدري وش لون جلستوا فيهآ أنا عني بهجج لو شفتهم

فديت أهل شرم الشيخ >>> تبي وآسطه هي بعد :d

يسلموو سيف و بأعطيك خمس نجمآت

[جلنار...]

ماشاء الله سفرا حميدا

و بإذن الله كله خير وطاعه و ترويح عن النفس بكل خير

و ان شاء الله تعيدونها و انتوابصحه و سلامه

[السيف...]

اقتباس:
المشاركة الأصلية كتبت بواسطة ميلاد فجر [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

سيف وش ذا كم صووورة

رحت وجيت مليون مره و ما بعد خلصن تحميل

هذي تستاهل الوقت اللي انتظرتها تتحمل فيه

روووعه

>>> الأخ يدور واسطه عند الدعم الفني >>> تقولهآ من الحره ميلآد

>>> حلوه السفره و حلوه شرم الشيخ >>> بس النمسا أحلى و و بالي أحسن بعد أنتم ورزكم و دجاجكم شي>>> و اللي سكآنها وون :d مدري وش لون جلستوا فيهآ أنا عني بهجج لو شفتهم

فديت أهل شرم الشيخ >>> تبي وآسطه هي بعد :d

يسلموو سيف و بأعطيك خمس نجمآت

بعد ما تطور العلم وصار فيه كااميرات ديجيتل . صار حفظ الصور والارشفه شي سهل .. ما عليك الا تصور كل يوم وتعال الفندق ونزل على اللاب توب .. وتفضى الكاميرا .. وبعدين يجي شغل الترتيب والفرز ..

وهذي الصور ولا شي عند الباقي ..

الله يرحم زمان اول يوم الكاميرا ام 24 صوره (يمكن محد لحق عليها هنا) وبعدها تطوروا شوي وجابوا ام 36 صوره .. وما تدرين تصورين ويطلع الفلم محترق اخر شي ..

يعني الله يعينكم بغثكم بكثر الصور .. والصوره اللي اخترتيها .. انا انهبلت اكثر منك .. لاننا وصلنا بالليل وما شفنا هالمنظر .. ويوم قمت قبل اغسل وجهي .. شفت المنظر فتحت فمي وطاح شبرين ورجعته

وقمت وصورت الصوره ..


وان شاء الله النمسا جايه .. بس كسل مني ما رفعتها بحجم اصغر من اللي هناك ..


بس نصيحه شرم الشيخ لا توطوطين فيها

[السيف...]

اقتباس:
المشاركة الأصلية كتبت بواسطة جلنار [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ماشاء الله سفرا حميدا

و بإذن الله كله خير وطاعه و ترويح عن النفس بكل خير

و ان شاء الله تعيدونها و انتوابصحه و سلامه

جلنار الله يجزاك خير .. ويتجاوز عنا سيئاتنا ..


واذا حب الواحد يسافر نصيحه ..اكيد اغلب وقته بيضيع باللعب والاوقات الفاضيه .. وعشان يكسب شي من سفرته يحاول قدر المستطاع انه كل ما طاحت عينه على شي غريب يتذكر عبادة التأمل في مخلوقات الله

وكل ما شاف عيشة غيره يحمد الله مليون مره على عيشته ..

[القوه العاشره... vbmenu_register("postmenu_80238", true); مشرف الاقسام الرياضيه]

اهنيك ع الرحله
السراااحه رووووووووعه
مشاءالله عليكم
يسلمووو اخوي